出局

自從贏左兩年聯賽之後
我對聯賽已經無所寄望
只要進頭三就已經夠數
所以季初有隊羅馬同拿玻里排係前面
我一度以為意甲真係有驚喜
然後十連勝之後係四連和
而家羅馬已經慢慢比祖記拋開
祖記唯二果兩場失分
就係和國米同輸比科倫
所以真係已經無咩睇聯賽了

反而應該更重視的是歐聯
但最後一場的關鍵戰竟然係雪戰重賽之下輸左比加拉塔沙雷出局
相比起拿玻里係死亡之組十二分飲恨出局
我地的確係抵死
理應可以踢得更好
但主場贏唔到皇馬同加拉
作客又贏唔到哥本哈根
的確係配唔起上十六強

所以
今年真係已經無咩波想睇
或者
歐聯入到八強四強時才會想要睇一下吧
今年明明換入了迪維斯同路蘭迪
明明踢得好好
卻落得咁既下場
真係完全想唔透