新意甲七雄

所有意甲列強在第一周都得到了勝仗
除了米蘭一隊
祖雲達斯
拿玻里
國米
羅馬都能夠在不失一球下得到勝仗
開局好
意甲就變得有睇頭

每年的轉會市場都令我對新一季的意甲充滿憧憬
可是每年都很失望
先是歐聯的附加賽
不管是以往的四隊還是現在的三隊
森多利亞和烏甸尼斯全部都不能通過
已經連續三年沒有完整的意甲球隊參加歐聯分組賽

而今年是轉捩點
因為上季季軍的是米蘭
而米蘭不管再積弱
也總算是一支歐聯分子
首回合作客被PSV逼和當然可惜
但次回合帶著一球作客入場在手晉級機會實在不低
而且球隊爭勝心也足夠
唔似烏雞呢種玩玩下既波
所以還有一定信心

再說意甲球隊今年全部大改造
拿玻里科倫和羅馬都相繼賣走球隊重心
引入其他聯賽的頂級球星
在經濟不景之下
這也是現在意甲的生存之道
以超高價賣出主力引來資金再買入不得意的頂尖球星

先說拿玻里
進入後三叉戟時代
拿維斯和卡雲尼都相繼離隊
連最重要的馬沙尼都轉會國米
但上季亞軍的確更令主席迪羅倫迪斯放手搏
先找來魯營不敗男接掌球隊
擺出意甲少有的放任態度
給予賓尼迪斯所有權限買人
結果也真的引入手西班牙球員如卡利祖艾比奧爾和連拿
賣出卡雲尼後訓身押在希古恩身上
再加上PSV翼鋒梅頓斯
賣一人換來多名主力新兵
淨支出甚至比其他列強還要少
然後由咸鍚擔起大旗
在首戰沒有簡拿華路之下戴上隊長臂章梅開兩度
看著他射進第三球的瘋狂神情
實已成為繼卡雲尼之後的精神領袖
球隊也放棄自馬沙尼執掌多年的3421
改成賓尼迪斯的4231
的確令人充滿懷疑
但球隊除了希望挑戰祖記神聖寶助外
還需要沖擊歐聯
賓尼迪斯自國米失敗之後
也為了自己正名而戰
上上下下都充滿決心
唯獨希古思還有少少患得患失
大概還未接受到新城市的瘋狂
但願能夠在磨合期之後能夠在歐聯發熱

意甲另一個瘋狂在於科倫天拿
三千萬賣走多年重心祖維迪
但也沒有如烏甸尼斯的龜縮之態
球隊大概也早料到留不下黑山美斯
所以上季中就以高價收購了羅斯回來
今夥拍波追人高美斯合作攻堅
比起上季祖維迪和東尼更強更尖銳
古亞度道的成熟也是球隊快速冒升原因之一
除了免費得到了祖亞昆和岩布仙尼
還得到了巴勒莫主力伊歷鍚
在進攻手都換掉之下
蒙迪拿還能夠完美維持原陣352和433之態
實在功不可末
現在前中後三線都有著當年維拉里爾的代表
而且還有祖亞昆尚未披甲
又另一支柔合了西甲力量入侵意甲
雖然只踢了一場
還是和拿玻里同樣一樣的充滿憧憬
雖然上季被球証踢出了歐聯區
但也希望蒙迪拿能夠在歐霸為意大利增光
畢竟球隊板櫈已足

而羅馬雖然神神化化
現在都未能夠明白咩葫蘆賣咩藥
雖然早早引入史特杜文和賓拿迪亞
還有曾經的世界第一右閘馬干
但近期不斷賣走主力實在想不通
馬昆奴斯只踢了一季就可以賣出三千萬高價這個當然是好買賣
但先放走了上季攻入了十七球球的奧斯禾度
再盛傳上季鋒頭還在艾沙拉維之上的拉美拿離隊
雖然三千五百萬的價錢實在吸引
但作為邊鋒且只有二十歲之齡在意甲單季射入了十五球
在賣出了奧斯禾度和馬昆奴斯得到了五千萬大概也完全足夠了球隊擴軍
難道羅馬還想在市場有所作為?
但事實轉會市場已經到達了尾聲
淨下頂級球員已經賣少見少
完全想不到可以作為替補的球員
但雖然如此
球隊在後防的調整實在不錯
意甲第三門將迪沙迪斯和烏甸中堅賓拿迪亞都是意甲頂尖的球員
如果馬干也能夠踢得起
再加上巴沙列堤
羅馬的防線也真的已經非常完整
且今季繼續沒有歐戰專心聯賽
托迪亦講明今年係退休前最後一季
雖然唔知加西亞係咩料
但今年的羅馬相信也決心十足
再有由阿仙奴加盟的謝雲奴
先唔理此子的能力如何
但由阿仙奴加盟
羅馬能夠奪冠的機會就十分之高
聯賽雖然真係難左少少
或者
冠軍就在意大利盃

國米雖然由馬沙利執掌
但352之態實在未有太大的起色
整支球隊仲係死氣沉沉
兩個加盟前鋒伊卡迪亞同巴爾福特能力都未在一流之列
還繼續只能靠著前中後三星柏拉斯奧古亞連同漢丹洛域苦苦支撐
不過同樣慶幸的是國米沒有歐戰踢
除了可以休養生色
還可以不用看到上年馬沙尼在歐霸的悲劇同樣發生在今個球季裡
現在也只能看著國米能夠在轉會市場結束前賣盤
在獲得資金後迅速買人
但時間也只下數天
大概這也是不可能的夢
擴兵
大概也只能等到聖誕

拉素人腳還能夠保持完整
至少
靴蘭尼斯繼續留隊
而簡迪華的不斷進步
還有不老的高路斯
左面的盧歷
中場的列迪斯馬
中堅簡拿
門將馬捷迪
其實全部都是獨當一面的球員
單計實力
尤在國米之上
今季的變動不多
只有阿根廷國腳比基利亞
同埋巴西中場菲獵比安達臣
上年球隊能夠殺入歐霸八強
是意大利最後出局的球隊
希望今年能夠再接再厲

米蘭其實真係無咩好提
陣容同上年完全一樣
多左個普利
但中場控制力仲有九流流
好大程度同艾尼歷死都要打433有關
不過迪莊復出後都可以期待下
有人可以保護到蒙度利禾同平均型既普利
再睇下轉會市場完之後入唔入到本田同埋中堅
薩柏達第一場完敗比東尼真係無野好講

最後既最後
就係祖雲達斯
七雄裡面既擂台躉
先有上年已經宣佈免費加盟既路蘭迪
同埋所有人都期待既世界級前鋒
迪維斯
雖然話祖記有四個前鋒各有特色
但四個都態狀態飄忽
胡仙歷技術好造波唔錯但埋門差
基奧雲高一樣都係射術九流
而射術最好既哥利亞列拿又真係只入世界波
其他時間完全無影
其實馬堤已經係最正路
有身位有技術有埋門
可惜樣樣都差少少
加上又係狀態麻麻
所以今年決定投入兩個外國前鋒
其實意大利真係需要走向國際化
一直係國內買鋒霸真係走唔出世界
所以今次祖記既決定真係唔錯
雖然無錢買唔到希古恩
但迪維斯既勤力同路蘭迪既幼細應該會對整力實力大大加強
再加上奧邦路既替補
令後防可以出現更多變化
唯一失望係放走左積基亞連尼
干地亦有百般不願
但人地都想入國家隊
亦可以為球隊帶黎資金補充
所以都忍痛割愛
不過中場備用真係無乜
維度爾派路馬治斯奧同普巴
基本上用黎用去都係得四個
對於中場需求甚高既祖雲達斯黎講係完美唔夠
目標普利已經一早被搶走
唔明點可能仲話賣馬朗尼
雖然上季有完敗比拜仁既慘痛經歷
但今季有普巴既成熟
同埋迪維斯同胡仙歷既配合
今季應該可以更有組織性更好睇
加上拜仁教練已換
踢法已變
相信今年再遇到亦並唔會一面倒捱打
不過亦希望干地可以重試一下433或者4231既打法
畢竟一套戰術用唔到老
352對中場既需求真係過大
而家中場中人手更加現不足既情況
試過轉陣亦不無道理
而且迪維斯理應可以更適合踢單箭頭既打法
今季再次沖擊歐聯
理應可以再進一步

相體

其實話說呢
尋日老豆老母就去左以前幫我補習個師兄果家人度打麻雀食飯
番到黎除左話阿師兄註冊左就黎擺酒
仲話阿師兄有女仔介紹比我識
又話個女仔好
又住係附近
心想呢種事都終於出現了
老母雖然一直話唔介意我搵唔到女朋友
但事實係人都知
雖說我心智樣貌都很年輕
但實際年齡也都真係唔算好輕
都已經廿到中後

咁其實我又覺得呢件都唔係壞事
師兄話晒都算係一個靚仔
應該有點品味
個女仔就算差一點都應該差唔晒
可能真係識得過
既然我都開始真係走投無路
試下都無壞
但又唔想係老母面前表現得好似有興趣咁
求其敷衍左幾句就算

而家咩時間咩都唔知
但竟然有點緊張
真係羞家
不過一諗起相體兩隻字真係好OUT
但應該點都好過去果D乜鬼SPEED DATING既
順其自然啦

白宮末日 White House Down

Roland Emmerich的災難電影
從來都都是商業電影
只需要從音效和畫面著手就可以
因為從來都沒有要求過其他東西
和過去世界性的災難相比
白宮的故事的確不夠世界級
但場面搭救
雖然全場戲都在白宮進行
但槍戰
追逐戰全部都有
最後大團圓結局
父親和女兒重逢
也是一個不錯的結局

今次由占美霍斯飾演黑人總統
都OK新鮮，不過與其說災難片
這已經是一套動作片
槍戰打鬥較多
不過略嫌佢前戲太長
可以再緊湊一點
不過其實而家都唔錯
暑假大片黎講
呢種傳統動作片好似越黎越少
全部都變晒動漫電影
所以夠爆夠震就已經很足夠了
嗯
渡過了一個不錯的早上

2013 台灣之旅 DAY5

8月10日(星期六) 台北->國父紀念堂->遠雄金融中心->台北車站->左營新光三越->高雄國際機場->香港

第五天
也就是結束之日
因為機票買太遲
最遲的機都已經是中午三點
我們還得回去高雄
所以時間比較少
今天基本上就沒有可以去的地方
不過因為昨晚去唔到國父紀念堂
有點不爽
所以決定今早再去過
完整一點

所以比較早起床
早餐也比較早
八點不到的時候
就看不到日本人
反而看到不少講廣東話既人
果然去旅行就得早起床
不同時候可以遇到不同的人
也是一種定律

約九點三左右到達國父紀念館
竟然在戶外國父的銅像捨到一把手槍
真係唔知邊個咁把炮拎住槍入黎玩

唔想曬
就入去了
其實外觀尋日都見識過
真係比中正堂弱了一大截
不過裡面都是一式一樣的設計
一樣有銅象
一樣有軍人
不同的是
中正紀念館向下發展
而國父紀念館就向上發展
基本上這個館所有東西都在第一層
上面展廳全部都係唔關係既野
連規模
都比中正那邊差了一截
展品都少了一截
又沒有中正紀念館般的大堂
人流也少很多
這邊差D連國父紀念館模樣的鎖匙扣也差點搵唔到
反而竟然可以搵到中正紀念館的
所以嘛
真的差太遠了

行左半個鐘離場

因為約好參觀寫字樓
叫做遠雄金融中心
其實寫字樓就在紀念館旁
行一會就到達
尋日都曾經經過
她說大廈外有幾個朱銘設計的藝術品
價值好幾千萬台幣
連大堂內都有

其實都想唔明點解可以入寫字樓
原來因為星期六
大家都很優閒
大概同香港一樣
果幾個鐘都做唔到幾多野
所以真係無咩野做

入到佢office
又真係幾靚
真office外還有個接客廳
平時可以自己沖咖啡飲
幾寫意
仲有幾件藝術品
窗口大玻璃直望台北101
最最最神奇係竟然有夾公仔機同影相機
真係痴線

飲杯coffee
坐多陣就真係要離開了
因為行李係酒店
仲要趕高鐵
朋友仲幫我地截的士
然後這次台北的旅程真的結束了

可惜的士去錯地方
番到酒店拎行李退房
再沖落台北車站已經遲了兩分鐘
趕唔切十一點半的那架快車
要坐十一點三十六分站站停的慢車
有好有唔好
好的是我們坐三座位外面的兩個
而裡面的那個座位不斷有台妹上車落車
其實台妹都同港女一樣
一樣會係車上化妝
哈
不過遲了半小時
成點半先到
而我們班機三點起飛
實在太趕了
所以索性就在高鐵上面食午餐
也好
試一下便當
百二蚊送樽飲品
都未算好貴
不過味道一般就是了

因為時間完全超乎我們想像
連午餐都食唔切
更加唔好講手信
可是如果去旅行唔買手信的話
番到公司一定會比人斬死
所以在高鐵內一直上網search高雄邊度有手信買
原來
就在上次我們食午餐的那個新光三越商場
裡面有專賣手信的counter
上次經過完全沒有留意

今次落車又是沒有時間好好欣賞呢個靚靚既車站
直入新光三越
見到第一間玉珍齋就是鬼但買幾盒番去
商場貌似仲有好多手信專門店
可惜我地真係無晒時間
買完手信即刻上的士

呢個司機伯伯講既國語仲口音過大陸北面人
好彩呢個無行錯路了
畢竟機場就應該得一個
不過由高鐵站去機場都要四百台幣
如果有時間既話
我就會坐捷運
可惜無
坐的士去到機場已經兩點半了
離開飛機起飛仲有半個鐘
好彩尋晚已經check in左
所以唔洗搞好耐
而且登場人數唔多
好在

三點機
今次又無得坐窗口位
睇黎下次真係要更早checkin劃位好了
不過估唔到呢架中午機竟然有飯食
但機組人員全程都同我一樣咁趕
感覺回程比起去時還要快
一小時內又要準備
又要出餐收餐
然後就到著
一小時
真係比起我地坐高鐵要快得多了

然後回到香港
今次五天既旅程真係完結了
感覺亦真係有點不同
出發的時候既沒有緊張
回程的時候也沒有寂寞
為甚麼會這樣的呢
很怪不是嗎
明明
我也不會覺得今次的旅程唔好嘛
心態不同了嗎

2013 台灣之旅 DAY4(3)

8月9日(星期五) ->國父紀念館->永康街

回程踏捷運去最後一站
國父紀念館站
中間要係台北車站轉車
由紅線轉藍線
剛好遇上放工時間
所以就真係大獲了
基本上就係同香港一樣既情況
想行都行唔到
排電梯排極都上唔到去
人又多
也罷
畢竟時間還有

然後終於逼到去國父站
出了地鐵站行一小段路就是紀念館
相比起中山紀念館
國父紀念館真的遜色了不少
很平凡的外觀
很共產feel
外面有個社會企業嘉年華
很多有放風爭
但更重大的問題在後在
原來紀念館關門的時間是六點
我們到達時剛好關門了!
明明書上說關門時間是1900
我們才可以把這裡放到最後
這樣也就是傳說中的白行!
有一個預定的地方不能到達
感覺真的有點低落
還有點遺憾

傷感一番
離預定時間七點還有一段距離
想一下
還是決定走過去市政府站那邊
其實在國父紀念館可以清楚看得到台北101的大樓
不過這不在我們的行程之中
除了我已經去過之外
也沒有時間去
其實上去也真的只是看下去
當然
上次我完全不懂台北的情況
所以根本看不明白
如果再上一次的話
大概我也會知道那裡是那裡
但也的確沒有必要上多一次

題外話
其實黎到呢度
我部機已經無電了
只能靠大佬的相機
不過真要說一下正電和代用電的差別
sony真電用足我頭三日直到到今天的美術館先用得完
而這舊備用電只能夠由美術館用到而家
真係好短好短
短到痴線
所以備用電真係用無q用
靠唔住

從紀念館走過去
過了條大馬路
就到了她們的大樓
而這裡就是所謂的商業區
大樓邊有條地下街
由地下街再走入去可以看到誠品生活
這間誠品有好多層
除了書店還有賣飾品食野既地方
上到去書店想找些台版的香港旅遊書看看會點樣
可能我地係度講野
附近幾人竟然叮著我們看
真係痴線
這裡又不是圖書館
是書店
賣書的地方
想看書的話就去圖書館嘛
在書店講野都唔比
真係痴左
洗唔洗有生活態度到咁

搞下搞下就已經到達預定時間
然後相約到下幾習的starbucks等待
這裡真的說一下
我們為甚麼改行程改到咁趕
還要高鐵來回
就是為了來探堂大佬的這個從前在澳洲認識的老同學
傳說中這個好似唔係幾地道既台妹仲精通流利廣東話
我也安心可以溝通得到
所以才取消阿里山和高雄的行程轉戰台北
不過這樣也好
總算是有點到過台灣
認識台灣人的感覺

到達starbucks就看到他的朋友gilisa
然後身邊竟然多了一位女仕
自我介紹
因為我完全唔知應該點讀自己果個單字一個強
所以就連我封塵已經久的英文名都搬埋出黎用
原來那位女仕是gilisa的同事
叫callie
呢個callie大概係比起gilisa更唔地道既台妹
聞說一樣係外國讀書
每當我話聽唔明佢講既國語果時
佢就會開始講英文
話說我係會更唔明嘛
而且中國人同中國人用英文黎溝通又真係好難睇
呢幾日用國語普通應用
同人買野問野基本東西上無問題
但要真係用作溝通傾計就大問題了
睇怕真真係要好好惡補國語先得
好彩仲有個識聽同講廣東話既台妹係度
傾唔掂轉channel
不錯

其實我唔明
小籠包明明係上海野
點解會變左台灣的招牌菜
結果佢地帶左我地去鼎泰豐食飯
去到門口大排長龍
要等成個粒
我以為要轉場
原本係繼續等
不過先食下d前菜

其實我完全唔知去左邊
只係跟住佢地行
後尾佢地話番比我地知呢度食永康街
我地本書都有寫架
哈
我一直只係想去夜市
完全無留意後字無夜市既地方

行入去係間黃色既野度
四個人食一個芒果冰
間野好鬼多人
多人到爆
又係等好耐先霸到有位坐
後尾上網睇番呢間野叫做思慕昔
前名有好多
又冰館又永康15
而芒果冰係香港個名好似係叫做雪花冰
其實我係第一次食
芒果加冰
又幾好食
食食下佢地仲係格離買豬血糕
以前食車仔麵我一定唔會要豬紅
想一下都唔係幾開胃
但台妹仲話自己好鐘意食

行完轉完條永康街
番到鼎泰豐時間剛剛好
即刻入得
入口見到好多鳳梨酥
因為我地仲未買手信
所以想係呢度買
佢兩個即刻叫停
佢話呢度麻麻
推介佳德
又話其實台北車站有好多選擇
唔洗急
我問維格如何
結果兩人都話完全未聽講
睇黎維格真係做旅行社生意的

食物都係果幾味啦
小籠包
黃瓜
菜
炒飯
仲有個擔擔麵
但唔知台灣係咪咁樣食法
佢地將擔擔麵玩到好似炸醬麵咁樣撈黎撈去
不過好玩都係個菜
叫做a菜
我地完全搞唔清係咩黎
問佢地有無b菜c菜好似玩緊佢咁

其實一餐飯有女仔真係會生色不少
尤其是這些流落異鄉的日子
有本地人帶去行去食
真係唔錯
共實台妹都幾熱情
不過佢地成日以為台妹係貶義詞
但係香港係人都知台妹絕對係是個比起港女高級一百倍的名字嘛
話讚緊佢地就是不肯信

飯後仲去食雪糕
我真係唔知佢地係咪真係平時都食咁多野
呢間8%好似係新開既
入到去仲以為落左pub
格局無異
極多人
全爆
而且不斷有人係門口影招牌
我都唔執輸
呢度雪糕興兩溝
又真係幾好食
食食下野老闆娘仲走過黎吹水
贈左我地食多一杯
然後就是國語的世界
完全聽唔入耳
大概淨係聽到話唔想賣咁貴
哈哈
店內仲有個店員笑容選舉
全部都唔識
最後投左比最靚女果個

食完就散了
一晚就這樣結束了
她們叫我地聽日可以去佢公司飲咖啡
哈
公司都可以隨便上去咁開心?

嗯
今日真係好累
番到酒店都成十一點幾
不過浴缸還是要照沖
搞到成點幾兩點先訓

真心
來到台灣識到台妹
遊了一整天
心理上叫做好左超多
真係叫做不枉此行
花時間上落高雄同台北都值得既

2013 台灣之旅 DAY4(2)

8月9日(星期五) ->淡水老街->八里->北投溫泉博物館->地熱谷->

離開圓山
就坐捷運到紅線的總站
淡水站
也決定到了那邊才食飯
因為距離有點遠
坐了半小時的捷運才到

淡水站也是這種開放式的設計
香港這種設計的地鐵全都加上了幕門
雖然安全了
但失去了味道
台北的捷運還沒有這樣的設計
所以還能夠保持風味
大概是中午關係
人也開始多了
而我們也只是想要求其行下淡水老街
這裡盡是賣手信的地方
可是我們都不想帶著手信周圍走
所以都決定不買了
到回程回高雄時才再想
老街其實又真係無咩睇
原本我們也決定到下紅樓睇一個拍過相留個腳毛就離開
卻走到碼頭
看到渡船
竟然也坐了上去
去到一個叫做八里的地方
船飛來回四十五
其實我們都唔知係咩
只係突然就想改變這種行程
哈
這邊真的像極了西貢
坐在船上看著兩岸的高樓
又想到了香港
真係好似

到左八里
決定搵野食
其實都無咩
結果去左間cafe
食焗飯
台灣地道野食
其實真係好少食
睇黎都係呢幾樣西式野岩feel d
間cafe好多細路
而後面兩個台妹都說得很起勁
所以真係好嘈
窗外的人在踩單車
我們在等開飯
當畢竟只是一家cafe
所以真的有點慢
而如果時間許開
我真係想租單車係呢邊爽一番
可惜真係沒有這樣的空間

因為已經兩點幾
食完飯
就要離開這邊了
所以如果
來這邊六天就會好太多了
而我們是完全做不到優閒之旅
因為星期六坐中午機
還要回台雄
真的就已經廢了一天
而第一和第三天也好像廢了半天
所以也真的只有兩天可以實實在在用盡時間
而今天真的很努力在遊走
感覺和原本的想法真的有點距離
到底旅行
是應該放鬆還是行到筋疲力盡呢
起床的時間
應該是早起不致浪費了時間無法參觀名勝
還是應該relax睡到自然醒呢
兩點之間我沒有能夠找到中間號
所以我選擇了前者
因為堂大佬都是這樣認為
所以我也就這樣認為好了

食完飯
行一下這個八里
其實幾無聊
有個所謂的碉堡
而根本就是一個美食廣場
但又沒有人在這邊開餐
所以這裡真的是應該踩單車的地方
而我們沒有這樣做
所以就離開了
根本就沒有看得到甚麼呢

回到淡水那邊決定上一上紅樓就結束行程
走到上去
根本就只是一間餐廳
可能是日頭
亦無咩欣賞價值
大概有點像赤柱的美利樓
但這邊作為一個古蹟
實在沒有令人久留的衝動嘛
所以這次的淡水之行
實在有一點失望
然後回程
走海旁的一段路回到捷運站
已經差不多四點了
雖然沒有看到很多的東西
但時間還是會不停的溜走

緊接下一站是新北投站
這邊的北投線只有兩個站
卻做得很有特色
車站設有特色設計給人拍照
還有溫馨提示叫人不要因為拍照後退到跌落路軌
而車箱也很北投feel

到達新北投
這裡又是另一種景像
因為是溫泉地帶
真的很日本feel
而這裡感覺也很多日本人
但現在是八月
溫度差不多四十度
這種天氣還是浸溫泉的真係痴線
所以我完全沒有這種念頭
不會也不可能
時間有點趕
因為晚上七點約了台妹食飯
而且還有最後一站的國父紀念館
所以急急上路
先是溫泉博物館
很快就找到了一座很像博物館的建築物
可是走近一看
竟然是圖書館
和中正紀念堂邊的那一間圖書館相比
又是另一種氣息
這一間比較自然一點feel
用木和大玻璃窗設計
幾舒服

坐過一點就是博物館
可是要從正門進入
正門在馬路旁
要從林中間走出去也要繞大段路
好煩
內進還是脫鞋穿拖鞋參觀
心想
這裡的窗全打開
外面又是馬路
這邊的地方亦唔會乾淨得去邊
穿甚麼都沒有關係吧
不過入鄉隨俗
扮下日本人
這時候其實已經開始發瘋
平時我們會邊看邊拍照
咩都景
仔細看
可是開始被迫急了
就求其睇
是但睇
真係浪費晒一個展館
遊完一轉就急腳走人

不過亦好似這樣急腳走人
因為下一景點就快要關門
而我們甚麼都不知道
我們的下一個也是北投最後一個景點
就是地熱谷
這裡水溫攝氏九十度
就像我們小時候去九洲看到的那些地獄溫泉一樣
想不到在台灣也能夠看到
這邊的地熱谷不斷有蒸氣冒出
觀感不錯
就是沒有日本地獄溫泉的震撼
睇睇下
竟然有人拍我地膊頭叫我地走
原來這邊五點收工
好似都叫做趕得切睇
雖然都只係一陣
都叫做黎過
又留落左腳毛