到台灣的時候
其實遇到了很多東西
不過最重要是天氣良好
除了第二天早上下了一小場雨外
基本上都是大放陽光
熱到HIHI
所以基本上是飲料不離手
每飲完一杯或是一樽
就會立即補給過另一支
幾天的台灣日子
大概就是這樣渡過
也因為太熱的關係
雖然有帶長褲
但這五天都是短褲渡過
實在不能想像著長褲出街的模樣
每天都熱到出晒汁
還要著長褲的話一定會焗到想死
好彩無咁做
不過著短褲也還是有一個壞處
就係成日比蚊針
台灣的蚊好多好惡
睇下台妹D腳就知咩事
台妹太愛熱褲
短到好似無著咁
腳當然是重災區
個個台妹都被針到不似腳型
而另一個狀況就係台灣有超多爭鮮
好似係個個地鐵站都有
但
每次經過都係拍烏蠅
很好玩
在香港的話
次次經過爭鮮都總會只有一堆人
哈
一晚好舒服
也可以係呢間舞衣新宿太好訓
第一晚就真係訓到鬧鐘嚮先醒
大概八點左右吧
係墾丁兩日大概都好易醒
可是來到台北的第一晚就好好睡
這就是民宿和酒店的分別吧
這間酒店的早餐是很普通的自助餐
可以選擇的東西不多
但感覺不錯
待應不管男女都好似係日本人
我是完全分不到
不過坐係身邊既大概都係日本人
這一點很簡單從衣著就分得出來了
簡單的食過早餐
番上樓拿起背包
就出發了
這一天的相片數量是五天最多的
佔了三份一
因為這是在台灣行最多野睇的一天呢
所以先買左張day pass
150台幣就可以整天任坐
港紙大約四十蚊左右
香港的地鐵動不動就坐上十幾蚊
所以真係超抵
今日玩紅色線
由下到上走
第一站就決定到中正紀念堂站
剛出站就有好多圖畫放在車站兩旁
而其中一張倒了下來
我卻認為這幅畫更有藝術感
藝術
大概就是這樣的東西
要感受出來
所以
這絕對是一種藝術
即使不是人為的
所以站口就已經是中正紀念堂
先是看到一個戲劇院
古式建築
光是這個已經很好看了
所以就有點期待裡面的來頭
行進去
是一個大廣場
自由廣場
真的好大
另一邊是音樂廳
和戲劇院成一對的建築
再另一邊就是中正紀念站
遠看就已經很宏偉
為甚麼上次那個團沒有到這些地方而到了忠烈祠那種地方呢
不過台灣的天氣真係熱死人
九點幾的時間已經烈日當空
可以曬死人
所以加快步伐走上去
光是廣場到紀念堂的路已經很辛苦了
不過當走到中正紀念堂回頭望下去的景像真的很不錯整個自由廣場很壯觀
嗯也真有點旅行的味道出來了
不過這邊真的好多強國人
尤其是在館內
成埋人圍著係度唔知做乜春
原來就係蔣介石的銅像
還有軍人在把守
最初的感覺就係
下就咁ja
再看一看
因為旁邊有電梯
可以下去
中正紀念堂原來仲有幾層
不過中間的層數其實都係無意義既野
就只係租左間房擺其他野
要落到最底部
才有博物館的feel
擺放和記載了很多蔣中正的東西和歷史
這裡很大遊客也好多
仲可以聽到有廣東話的導遊在講解
我們也可以扮著團友在一旁聽
又有小孩的遊學團
裡面有個細路好好玩
對他做v真的會用v回敬的
不過因為時間不多
今天要走的地方也好多
因為就真的只有一天在台北內遊走
所以看了半個小時
買埋個紀念品就要消失了
畢竟買鎖匙扣是我細至大一直旅遊都做的事
到現在還是這樣
所以家裡還真的是有一埋匙扣呢
這邊紀念堂唔洗入場費
真的不錯
原本還想入內參觀一番
可是要登記先入得
太煩太花時間
就放棄了
在門口拍著照就算了
坐上列車就坐到了第二個站
圓山站
這裡有幾個文化館可以睇
還有尋晚遇到既台灣仔講話有個火滾撚樣既展
其實一出捷運站就可以睇到廣告
好易認
回頭看一下圓山站的外觀好特別
頂部又係那種宮廷式的設計
這個圓山站仲有另一種景像
就是一踏出去就可以看到有飛機在頭頂經過
自從香港的機場搬到了赤臘角之後
就再沒有這樣近距離的遇到飛機了
忽然間變了飛機膠
可是等極都唔肯出現
又熱到HIHI
又比人當白痴
最後都係放棄順其自然有機飛過先再影
而那個火影忍者展就因為太貴決定唔入場
成二百八台幣
八十蚊港紙
而香港的動漫節都係三十雞
這個火影展真係算甚麼可以賣咁貴
如果係ONE PIECE展都仲可以考慮
火影忍者就真係唔洗諗了
台灣精品館
不過好無聊
無野睇的
由精品館可以進入美術館的側門
不過真係完全唔建議係呢邊入
因為我中晒伏
美術館要三十蚊入場費
問題當然不是在於價錢
而是入場卷
在這邊入場只有一張收據式的東西
就是平時超市買野的那一種卷狀的收條
這種東西不能收藏根本就不能當做入場卷
而美術館的正門是有正正式式的入場卷可以購買的
最後想了好久就決定買一張正正式式的門卷
因為紀念品部沒有一樣似樣的匙扣可以買
而美術館的人知道我們雖然有門卷卻因為想要留念而買正式的門卷時
也不斷的道歉
非常有禮
雖然不能退票就是了
不過呢
佢SHOW晒不同種類既人場卷比我地揀
最後我倆都選擇了優惠飛的那一種
因為真係比較靚
而且都真係收我地半價
感覺真係唔錯
都最後都只係花左四十五蚊
大概都只係十幾元港紙
絕對唔貴啦
講番美術館
因為肚痛
係美術館放低左唔少野
先開始參觀
行左個畫廊
真係完美係好外國feel
其實仲有部耳機解釋
不過無時間花咁多精卸係呢方面
藝術野
應該係憑自己既想像力去解讀
當堂也覺得自己很有藝術細胞
行左半小時離場
後來先見到原來仲有二三樓
雖然憑票可以隨時再進場
不過想想都係算了
因為時間關係
既然離開了
就到下一點
這應該
也是一種緣
下一站是台北故事館
就係美術館旁
這次是西洋設計
不過入場要五十
完全超過美術館
這個故事館今天的主題是生日卡
所以整個館都是生日卡
也因為整個館就真的是這座別墅
所以真的只有好少野睇
呢一站倒是無咩特別
唔入去其實都毫無損失
沒有留言:
張貼留言