狼人:武士激戰 The Wolverine

我覺得還不錯
至少比起過去全部的好看
XMEN1-3和狼人外傳我認為都是爛片
而異能第一戰則好壞參半
所以今集簡簡單單有頭有尾的故事已經贏晒
而且沒有太多異能人
又有個正女主角
感情戲雖然不算很深
但連續兩次的WHO IS JEAN的心理改變都唔錯
而且長崎一段的回憶都唔錯
雖然文戲過長，而且對手全都係卒仔
但整體還是覺得至少比起過去全部的高
所以絕對收貨
而且尾段又有大型機械人打
幾型
不過故事差唔多都估得晒就是了
無咩驚喜

成套戲好似淨係得兩個鬼人
全部用上日本人而且在日本拍攝
都幾落重注係日本仔身上
上一套太平洋又用上日本女主角
搞乜鬼
雖然我唔抗拒
但日本仔理應無咁大影響力先係

米卡莎

感覺這幾年都沒有分別
對上一去找到貽興王時
我會腳震
上次找新海誠時
我會口震
然後今次找到米卡莎影相
我全身抖擻
呢個米卡莎真係不管樣貌同氣質都完全同漫畫無異
仲要係靚女
真係技壓全場
我呢D小毒撚因為淆底真係掙扎左好耐先敢去搵佢影相
點知影影下竟然有第二個毒撚插左入黎
二人行變左三人行
當時腦海一片海白咩都諗唔到
事後諗番起真係痴鬼線
激死我
無左同米卡莎單獨既合照

今次動漫節其實我好似無睇過D咩
不過如果諗係花三十蚊同米卡莎合照我又覺得值WOR

而且可以算係試下部新機影
唔洗較影出黎既效果都好唔錯
無投資錯
算係完全滿足

Fiona Fung 馮曦妤

套師父明白了越黎越好睇
一開始只是為了翠如BB而睇的
可是慢慢睇落去
整體都係一套好唔錯既劇集
尤其是配樂方面
一反TVB的常態
就音樂而言
根本就不是TVB的水平
唔知係咪有了競爭決心改變
下集預告仲用上FIONA FUNG既歌
真係無得輸

其實個預告出街我係完全唔知咩歌
但聽落去好好歌
所以就上網搵名
結果出現了我認識的名字
FIONA FUNG
那是在電影DAISY中的SOUNDTRACK出面的名字
雖然只是得和音的部份
但聲線很好很舒服
第一次聽到她的歌曲
幸福兒
真的好清脆好好聽
再找其他
原來不多
就只有幾首
但感覺真的很FIONA FUNG
好好聽
好悅耳
完全係聲線主導歌曲
好正
也令我找到一點回憶

Pacific Rim 悍戰太平洋

機械人一直是男人的浪漫
鋼鐵身軀
流線外型
最重要還是識發死光
不過呢
這一套的機械人倒是有些少風格
而且太巨型
要要落海打
仲成日埋身肉搏
經常都看不到全相
有些甚至睇唔清幾下就收皮
這種手法唔睇好
要說機械人的話
近年來最正的還算是鐵甲鋼拳
機械人的擂台戰
拳拳機械聲
而且熱血非常

悍戰太平洋最大的特別色或者是從中部移民到香港
整套電影有一半時間集中在香港
可惜這個香港又不像香港
就只有維港和青馬大橋的景
其他都完全只是鬼佬心中的香港

其實故事都幾九唔搭八
一開始就已經講左外國人係穿越過黎
而政府所謂放棄機械人的理由是因為起牆
而兩者完全無沖突
到最後的爆炸
因為是發生在對方的星球
所以根本不可能令一切結束
而主角仲可以係第二個空間回來就更加講唔通
不過
講咁多都比唔上機械人打恐龍的主題
感覺很新鮮
因為太平洋出來外星恐龍
而軍方決定制造高達應戰
完全是日本仔的想法
這樣搬到大銀幕上又差唔晒
至少高達不是高達
而且駕駛員要二人
大家連絡腦袋一起出戰
都幾科幻
而巨型外星生物就完全就是恐龍樣
所以這兩種不同東西的戰鬥
都幾特別
只是武器少
打黎打去都同一招
怪怪地
但氣氛很好就是了
緊湊刺激
但一套西片用上一個日本女人做主角，
都幾大膽
細路女的戲份都唔算少
好得意
整體都幾好睇
除左幾樣顯眼過頭既BUGS之外
都算係暑假巨作
一年一套
上年有battleship
今年有呢套

師父‧明白了

晚上有套新的劇集

師父明白了

有翠如BB

故事開始並不有趣

不過看著第二集

有首很好聽的番唱插入歌化蝶

好好聽

幾有FEEL

尤其是係男女主角在牌坊下相遇的一場

好正

又好聽

故事穿插童年

又有麥長青能得到奇異故事

感覺不錯

可以一戰

SONY NEX-3N

大概是兩年前
被SONY的相機廣告深深吸引著
那個廣告是說老年人的年輕和現在交替的浪漫故事
雖然只是一個幾分鐘的廣告
但足夠令我感動
令我對這個換鏡相機的系列都有濃厚的興趣
不過當時的機價需要五六千
還未有實際的行動

至今連CANON也推出這種換鏡頭相機
但我還是一條心的向著SON
畢竟那個廣告帶給我太深刻的印象
往後基本上要買這種相機
大概就只能向這一個品牌出發
無論他的評價如何
大概都已經無法改變我的偏面
畢竟那個廣告真的太完美
絕對是一個經典

兩年後的現在
舊相機舊電差唔起
剛好又快將去旅行
所以我也上SONY的官網找這一系列的產品
雖然無咩新貨
但不過價錢倒是平了不少
最平果部連鏡頭四千多有交易

然後決定
扑鎚
市面有平有貴
不過我還是選擇大型連續店
貴幾百蚊
貪佢有得分期
始終每個月有儲定一個數目
唔想比部相機搞亂
分期最好
每個月只需要三百幾就搞掂
貴一點都可以
而且好久無野供
買一部都唔算係咩負擔

就係咁
買左第一部可以換鏡頭既相機
從來都玩開傻瓜機既我
連SET少少野都覺得煩
好在呢部野要較既唔算多
好多MODE都有
算係一部可換鏡傻瓜機
其實分別好邊
我諗最大都係果種輕易做出景深既效果出黎
這個結果我就最滿意
從前果部CANON 860IS係做唔到
又可能係我唔識用
總次就唔簡單
今次唔同
我要求唔高
有層次一點都可以
出黎效果幾好
真係唔錯
雖然係最低階產品
但我覺得已經夠晒有突
係鏡頭唔算勁影唔到太遠野
不過你話要買雙鏡果隻我又唔想比錢
而呢部係剛剛好

三隻色揀左粉紅色
相比起黑色既柒同白色既易污糟
粉紅色應該係最理想既顏色
而且都唔算太女性佬
所以最後都選擇粉紅色

試玩左一陣
都幾滿意
可以有新相機去旅行
真係唔錯

沉氣

今日又同老母嘈
竟然都係沉唔住氣
就同佢講聽日開始都可以唔洗買飯
然後明天開始
鬥氣又好點都好
我都要自己買野中午食
其實都唔算咩問題
求其去OK買個叮叮都搞掂
不過日日食又好似唔係幾好
所以都要諗諗佢

而事實係
所有既事都可以避免
而為咩要搞到咁呢
呢樣野絕對係我自己拎黎
只要我出少句聲咩都無問題
問題係
我思前想後
都係出左聲
就好似果日我明明唔想打丁
但睇到J圖後都係忍唔住既心情一樣
為左啖氣而嘈個感覺的確係會舒服好多
我最唔鐘意就係將件事收埋係個心度
屈住屈住就最唔舒服
我好唔鐘意呢種感覺
所以我個人係無咩秘密
因為根本守唔到
好快就會自己爆出黎
呢種就係我既生活方法

而最終既事實係我為左呢啖氣前我真係有認真諗過
自己食的飯自己處理也好
所以我才出言不遜
所以我沒有後悔
這是我自己的選擇
是的

下一站墾丁

八月爆假一定要清
所以計畫去旅行
已經有兩年沒有離開過香港
所以非常期待

今次預計去墾丁加阿里山
兩點的距離好似都唔近
所以有點擔心
而墾丁的交通又是一大問題
雖然好似有公車
但很久才有一班
而且唔太到位
但又無車牌
包車又要搵
這是唯一也是最重要擔心的事
但船到橋頭自然直
計劃好應該都無問題
大概問一下民宿就好了

因為堂大佬已經定了放假的日子
相信這個旅程無論如何也能夠出發
使我最安心就是這個了
剛剛還是煩惱會不會最後去唔到
現在也真係可以鬆口氣了

買左本書仔
講南台灣
有齊落飛機的交通
又有墾丁又有阿里山
完全合晒我的要求
又唔係一味道貴價酒店
幾唔錯

Man of Steel 超人-鋼鐵英雄

Zack Snyder是導演
而Christopher Nolan只是監導
我一直都只是很滿意這個組合
並沒有期待過是Batman一般的故事
因為是Zack Snyder
我所期待的是一個很有型的超人
還有一個極奇華恐的背景和場景
結果完全乎合我的預期
一個字
爽

故事雖然不是主場
但我覺得已經交到貨
雖然剪接得怪怪地
不過還是能夠清楚明白
但也許是CG場景和動作場景一開始已經太多
中段偶爾插入超人小時候的故仔也沒甚麼感覺
唯獨其中一段
超人的養夫在超人面前被奪去生命的那一幕非常動容
尤其是他阻止超人去救自己的動作
可惜來得快去得也去
所以才說剪接得有點怪
但還是非常感動
也只有一幕
然後就是半部的戰鬥大作
超人和族人的故事
所有的交集都在戰鬥中交流

真要說的
是整場戰鬥都像極龍珠
完全就是龍珠的真人版
只是悟空和斯路變成了超人和他的族人
舜間移動
舞空術
就只差龜波氣功而已
打得超級正
下下爆音
一幕又一幕的碎樓
完全突出了他們的強
將龍珠的效果放到電影之中
畫面之大
壯觀到不行
尤其是將他們的速度再提升
一場又一場的近戰真係大呼過癮
正

深沉

想一下
大概也真的有很久沒有好好的睡覺睡到天昏地暗了
每個星期六都在上班
然後每個星期日都去睇早場
有太久沒有放過一過中假期了
然後偶爾有三天假瞌
偶爾在洲際杯季軍戰後睡倒
偶爾聽唔到鬧鐘叫醒我睇決賽
這樣的偶爾真的很偶爾
大概
我真的很久沒有這樣深沉過了

然後發了個美夢
我去左台灣旅遊
住係一間別墅
大概
仲有個女室友的

記憶到此為止
應該是一個美夢吧
大概
很久沒有發過有記憶的夢
這次
應該真的訓覺得很充滿吧
有三天假真好
然後
又是工作的日子
無聊的日子
日復日的日子
永無始境的日子

如果想夢境成真的時候
我會在何方
其實一直以後我會被夢境所困擾
如果是真的就好了
這樣的說話也真的說了好幾百次
然後
一整天就這樣被奪走
無法走出夢境
我這個人
也許是太輕易投入了
就像當年睇戲一樣
有好整個星期都無法抽身

明明可以FF得這樣豐富
就是現實不能夠積極一點
真可悲