Captain Phillips 盜海狙擊

另一套真人真事改篇
原本
我以為在預告看見的就是一切
雖然會睇，但應該會幾悶，但又唔係，在海盜上船前的畫面都寫得幾緊湊，雖然

用上都是從前間諜式的音樂，但感覺還算不錯，危機感幾好。故事先是舖排船長的背景，其實整套戲都極力想寫船長也只是一個普通人
愛老婆的老父
擔心仔女未來的老豆
可惜整套戲船長的表現又真的比別人優勝
又教了所有人在危機中正確的走位
又帶賊仔遊花園
習慣了英雄電影
好難在戲內將他代入為著通人
其實在船中的間鬥過程表現得真的很不錯
可惜半場以後就出事了

當船長被帶走
以後的劇情變成在救生船發生
還有軍艦的介入
下半段的劇情就開始失控了
所謂的真人真事
雖然也真的會牽涉這種事
但
實在太遠離劇情了
而軍人的表現
我也唔知道導演想要點樣表達
串軍人似機械人？
申軍人講大話？
定係想串後面大佬
過程真的太長
而且作用唔大
這個時候
船長還很鎮定的想要用言語虛術來走佬
這邊問題又來了
故事想帶出來
非洲黑鬼是弱智
還是非洲黑鬼很嚮往美國呢
總是黑鬼和軍方
導演都好似有心玩野咁
最後射與唔射之間拉鋸得太長
變得無咩力
結局雖然非常煸情
湯漢斯的演技又完美
但想起過程
又發覺描寫轉變的力度不夠
又會覺得怪怪地
雖然後尾拖慢左
但整套都叫做唔錯既
起碼比起想像好已經好睇好多了
收貨啦

巨輪

其實晚晚都睇巨輪
可惜自從貝安琪線之後劇情就急轉直下
阿哥同rachael玩完
取而代之係細佬插隻腳入黎

劇情變得不知所謂
細佬的性格變得很仆街
黑面
勾大嫂
棄糟糠
咩仆街野都出齊

直情係唔想睇
細路同rachael注定係成為一對
呢對仆街配仆街的組合真係見到都想嘔
最憎就係呢種幾角戀

細個我無得揀就會一直睇落去
但而家我有得揀
所以我決定斬攬
放棄這種垃圾劇情
無眼屎乾淨盲

Serie A 祖雲達斯2:0熱拿亞

 

尋日場波
祖記二比零擊敗熱拿亞
全場不斷攻門
也終於不用每場都失波

其實呢幾場都踢得唔錯
對科倫其實有個唔錯既開局
可惜忽然發瘋連失四球
而對皇馬就死係球証身上

其實前面路蘭迪慢慢得到正選之後在上力
身形屈機
控波技術都不錯
仲有D速度
其實真係好好用
拍埋迪維斯呢對組合真係唔錯
慢慢慢慢
開始走向季前的預想
下場主場對皇馬
應該可以有唔錯既發揮

其實隊波順係幾順
就係踢極都唔入果下有問題
未必係把握力問題
可能係對方門將問題
好多因素
但我就係唔覺隊波踢得差
係咁多
今季聯賽七勝一和一負
數據黎計仲係好好
只係歐聯仲未打開勝局
如果
贏到皇馬之後
應該就是一平光明了

爺爺

這段子阿爺入醫院
現在又入老人院
人的變化真的很大
現在看著他連說個話也變得很慢
想要站起來也不行
其實我也不贊成到老人院這個決定
老人院既沒咩人會理會
而且又細又悶
雖然在家裡都係無人理
但至少有報紙睇有電視睇
偶爾有人可以陪下佢
係老人院就像被遺棄了

不過這是他自己的決定
他的仔女也堅決如此
做孫的就無咩好說了

從前我以為
一家人要做個決定應該好容易的
因為是一家人
理應好簡單就可以解決問題
可是現在我才知道
其實像電視中分家產的劇情好容易就可以出現
因為總有些人思想比較有問題
無法溝通
分歧很容易就出現

看著他被遺落在老人院
那些食古不化的人竟然說這是個好決定
我就知道無法再溝通下去了

但所謂的決定並不是那個好就決定那一個
也不是所謂的民主少數服從多數
而是那個最親的決定
已經
沒辦法了

UEFA Champions League 分組賽 皇家馬德里2:1祖雲達斯

歐聯第三戰
祖雲達斯作客班拿貝
賽前哥利亞列拿
胡仙歷和利捷斯甸拿受傷無法上陣
球隊也從維持了兩年的352改踢4312
四大中場盡出
奧邦拿和剛傷愈的卡沙利斯出任雙閘
迪維斯和路蘭迪合作攻堅

出來的效果卻出奇地好
即使在作客
也可以壓著皇馬來踢

可惜四分鐘就被C朗單刀射入
不過
也只有這個失誤罷了
整場波
也接著自己的戰術去實現球賽
所以不久後就追和了
由路蘭迪補中射入本季第二球
這一隊和05年時查斯古特果球幾乎一樣

轉捩點是球証
先是拉衫的十二碼
這球就算了
無咩好嘈
可是後來出現了一張紅牌
理論上
因為有基亞連尼在身邊
C朗不能算單刀
而且兩人都在鬥身位
速度上並沒有誰估優
卻
因為基亞連尼的手部比較大動作
然後C朗倒下
就這樣被直紅離場
根本這個動作連犯規也稱不上
落後一球再打少一個
干地再換走路蘭迪
直接判死刑
雖然球隊也曾經努力過
還是收服唔到失地
敗走班拿貝

但其實我地整場波都踢得好
很久沒有見過這樣整體的我們了
因為以往一直都可以在主場勝皇馬
所以
應該要有信心
下場起碼可以係主場帶分走
而且
剛傷愈的卡沙利斯踢得好好
應該
唔洗驚再見到契仔柏度恩落場了

長崎 Champon Ringer Hut

試下樓下間新店
長崎champon ringer hut
應該是第三間日本過來的新店舖

呢幾日日日都見到樓下好多人排隊
就趁老豆放假一家人食個麵玩下

排隊其實都唔算太耐
四個字左右時間
不過舖位本身就唔算大
所以座位唔多
不過bar台那邊每個位都有個水壺可以自助倒水
我地坐卡位就只有一個

某店員唔知係咪日本人
用國語式既廣東話
好搞笑

講番個麵
其實味道唔算差
不過唔係好對胃口
大概因為太多菜又太少肉
而且同一般食開既拉麵又有d出入

款式唔多
黎黎去去都係一樣樣
有款個樣正頭係肉絲炒麵黎

不過價錢都叫做比起拉麵店平好多
五十幾蚊有交易
而且唔洗加一

不過大概都係食一次就夠了
始終都唔係鐘意食菜
食番其他大路野好過

AFC Asian Cup 外圍賽 香港0:4阿聯酋

亞洲杯外圍賽
香港對阿聯酋
其實一直都沒有看這種賽事
但剛好這陣子同事的朋友原來會入場睇港甲

上面睇傑志氣氛不錯
今次繼續入場
雖然兩場都係輸波收場
影響心情
但著實不錯
偶爾這樣支持一下香港
的確是一件不錯的事
偶爾
還可以宣洩一下
真的不錯
所以
以後有這種比賽
有時間的話
就一起看吧
真好
我就是想有這樣的伙伴

其實講實事真係唔夠揪
賽前都係諗住死守守和
上半場初段仲可以
但速度上真係唔夠黎
一下直線單刀咁就玩完
其實睇左好多場
不管係港隊定係港甲
分波走位真係唔掂
淨係識比長傳
無直線無過頭波無單刀
落底傳中質素都係無
真係唔掂
本身身型已經輸
再輸埋體能同技術
正宗係無得贏
只能靠拼勁
可惜後面又成日誤傳
相當蝕氣
只有門將是世界級
其實弱隊就應該打反擊
但港隊就淨係識比人反擊
真係唔知個戰術到底係點
唯有慢慢再黎過啦

一級雙雄 Rush

賽車
也是男人的浪漫
真人真事改篇
朗侯活又拍出了另一個人生
賽車電影實在不多
所以這次看起來觀感不錯
起步的引擎聲總是成為故事的焦點

雷神依然活得很雷神
雖然他是故事中的正主角
但感情上
他始終是一個配角
用他的璀璨生活演活了他的宿敵
NIKI
故事中
他毫不起眼
性格不好
而且非常自負
一開始
還不怎樣喜歡他
因為雷神是主角
NIKI就是奸角般的存在
可是活下去
卻發現他活得很實在
很真實
而且
很執著

他和他都是同一種人
可是他和他的生活的生式卻截然不同
大家都看不起對方
可是這個世界很細
敵人
也可以算是朋友
在敵人身上學到的東西
往往都比起身邊的更多
因為是宿敵
大家一起前進
不肯退讓
最終成為了意外
這是公式
可是真的很實在
很真實
他看著落後在自己的他在後面追上去
因為這樣的宿敵
使他能夠在重傷之中活了過來
對賽車的執著
對對手的執著
所有所有都使人看得很激動
靠著別人的夢想
來燃起鬥志
延續生命
自此
兩人開始腥腥相識
成熟了起來
這就是男人的浪漫
很好看

BEYOND: Two Souls

 

話說有次食飯
朋友問起我會唔會買BEYOND TWO SOULS
我聽都未聽過
而且就咁聽名就知道係鬼佬GAME
咁當然答唔會啦

之後佢再講隻GAME有ELLEN PAGE
成隻GAME即刻升晒LV
再講話係HEAVY RAIN玩法

唔洗講啦
去訂啦
就係咁我上星期去左SONY訂
答案係已經訂唔到
再行過幾間藍店
全部都截晒訂

咁我見成個星期已經截訂
好驚到時無得WALK IN買鐵盒版
第二日就打左幾間HMV問
終於問到黃埔果間有得訂
不過就比起建議零售價貴左十一蚊

事實係我放工有架30X可以直接到黃埔
交通唔是問題
加上真係好耐無去過
懷念一下都係一個唔錯既路線

然後到左今日終於到貨
結果係周街都有鐵盒
不過就無電筒跟
即使當十一蚊買幾張明信片
咁我就放棄同同事游水
都走去拎貨

為左令到唔覺得蝕左果十一蚊
我決定今晚即刻開GAME玩
都真係好耐
無試過出GAME果日就即刻買番黎玩了
這幾個月一直都會找人拎貨
好久好久
沒有到店舖買過GAME

Gravity 引力邊緣

九十分鐘內
只有兩個人角色的太空故事
卻拍得非常緊湊
很有迫力
雖然我不算太喜歡佐治古尼這個人
但在整場戲基本上都穿著太空衣
只用語言來鼓勵另外一個遇難者
所以整體的感覺還不錯
而珊迪娜布洛則貫通整場電影
作為電影的最終主角
我覺得還不錯
絕望的表情表現得不錯
至少有被帶動
導演是children of man的墨西哥導演Alfonso Cuarón
我覺得是過譽
不過今次這場戲是拍得真係好
在宇宙的場面因為不是我們所能擁有的觀景
在IMAX畫面上欣賞的確是不錯
但還不至於有種驚嘆的感覺
但能夠拍得出在太空的味道
我是這樣認為
只為求生的在太陽漂浮
在死亡的邊緣掙扎
在這裡
並沒有其他故事所帶出人性的醜陋
反而是善意
還是堅強
伙伴一個又一個的離開自己
危機又一個個的接踵而來
自己的生命到了盡頭
本來就是沒有意義的人生
還想要希望些甚麼
就這樣結束
就這樣熄滅
的確挺像故事的結局
但
如果可以自救
如果可以逃離這裡
抹掉過去的一切
過新的生活
也是一種希望
我以為
127小時比這裡更加厲志
雖然這邊已經好好
但那邊畢竟還犧牲了自己的手
這邊沒有甚麼大傷的確不算太合理
當然
尾段站在大地上的畫面還算是感動的場面
的確也沒有甚麼可以挑剔的地方
但如果比較起來
還是會失色一點
我是這樣認為
當然
已經是很不錯的故事了
但還配不起差不多九點的分數
八分差不多了

UEFA Champions League 分組賽 祖雲達斯2:2加拉塔沙雷

連續兩天睇歐聯
身心俱疲
人老了
可以這樣起床的心情無乜
不過歐聯有歐聯的激情
畢竟現在意大利就處在崖邊
所以有觀賞的價值

好可惜是
一次失誤令球隊陷入苦機
但最令人摸不著的就是死都不肯換路蘭迪
明明球隊打著自己最唔擅長既高波
但死都唔用
直到下半場中場
還是無法追和才換了入來
然後效果不錯
差唔多球球都頂得贏
威脅大

結果因為十二碼追平
然後反勝
我還想說甚麼-6足球
可是這句才說了半分鐘就被追和

兩場得兩分
情況同上年一模一樣
有點擔心
畢竟今年的表現真係唔夠好

Elysium 極樂帝國2154

D9的情節已經不記得
不過開始時以彼德積遜來宣傳
以搖擺鏡頭來作賣點
然後還有一個很熱情和震撼的結局
就令我對這個導演產生起興趣
得到了更多的預算
還有些卡士
令我對這個導演的新戲充滿期待
可惜
拍出來是另一回事

D9講既係種族歧視
極樂帝國講既係貧富懸殊
來設定來就像高達的設定
實在可以講好多
沒有了D9的外星人
不過這個地球多了個殖民星
而且有個挺美麗的童年故事
但事實主線就發展得很普通
BUGS也夠打
文戲太長不夠吸引
沒有突破性的發展
亦沒有很精彩的畫面
所以才覺得很失望
畢竟有D9這些的前車
即使做唔到
至少應該也有番七八成都好
但只有殘破感和搖晃鏡頭存在
上集的男主角變成今集的奸角倒是無咩霸氣
動作場面麻麻亦唔熱血
而且殖民星人或許在和平中活太久
活像弱智的存在
帝國SERVER的設定和結局都非常兒戲
而且結局也不夠完整
整套戲變得九唔搭八
有點難看
很失望
希望下套真D9第二集會回復水準