今年去泰國
細細個果時覺得呢個國家係玩水既所以無去
大個左雖然都係唔識游水
但係想玩水
所以兩年前plan過去不過失敗左
今次雖然去左泰國
但並無去布吉或者芭堤雅
因為表妹佢地以前已經去過
所以今去轉左去七岩華欣呢D比較少人報的團
事後我終於明白點解會少人報
因為華欣真係無野好玩無野好睇無野好做
事實只係一個係酒店HEA既地方
而今次去泰國亦帶唔到驚喜比我
番到來香港完全連半點留戀都無
我去旅行既主旨基本上都離不開個玩字
仲有影下D特色地方
而今次既行程玩就無啦
景既話全部都係佛寺
可能真係跟錯團
不過都算叫做第一次黎泰國
下次有機會再黎既話都係搵D水上市場同水上活動好
一早book架貨VAN去機場
約八個字車程六點到達
八點三起飛
第一次咁早黎機場
機場好少人
感覺很新鮮
今次坐泰國東方航空747-100
真係流到爆炸
座位窄到無朋友
想要轉個身都難
飛機餐又一貫咁難食
不過兩個幾鐘機都算啦
其實我對呢D又無咩要求
比個電視我睇最後都應該係訓左覺
但係三千幾蚊去泰國坐架咁既機都真係幾唔抵
泰國比香港慢一小時
所以今日有二十五個鐘
到達時才十點
但泰國入境好煩
一個人大約要check成分幾鐘
至少排半個鐘先入到境
落機坐車就食飯
十九人五組分兩圍台
跟團基本上都係食番八送一湯白飯任裝果D
好好丑丑又係一餐
不過泰國食物多數都會酸酸辣辣
食上去比較刺激
接唔接受到又係另一個問題
泰國好多佛
食完飯連後面都可以影下佛塔
飯後去到玫瑰花園
所謂既泰國特色文化
都係一D比起中國佛樂更煩既音樂
聽一陣都訓得著
玫瑰花園入面都係D古色既手工藝
鬼佬好多
但對於中國來說
這些泰國傳統真係好濕碎
而泰國比我既印像的確只係一個未開發既中國
的確無咩特別
後尾有大笨象表演
同樣好流
唔明點解鬼佬睇得咁開心
事實去旅行的確為左求開心
但遇著呢種表演又真係開心唔到
而最後一個文化表演
古式婚禮
泰拳
耍武都完全唔知想點
求求其其就算係表演左
再加上泰國特色古音樂
差D訓得著
只有後尾的舞蹈表演叫做好睇番
其實園內有得騎大象
亦有得掛白蛇上身
但園內都唔多人有興趣咁
全日最後一個景點係彿統大佛塔
但係外面基本上都係建設中
世界最高既佛培竟然係熔熔爛爛既
裡面倒係無入過
時間亦唔多
行一陣就走了
晚餐在酒店食
雖然都係八送一湯
但算係坐得舒服
食得開心
每人一杯飲品
酒店外面基本上就只有一個沙灘
但晚上基本都無野好食
八點唔夠上房
今次因為突左我出黎
所以同領隊傑仔同住一間房
席間都問左唔少旅行同旅行社既野
獲益良多
沒有留言:
張貼留言