最後一天的行程
在酒店的泳池玩過最後一次水
食過最後一次早餐
九黠半正式出發siam paragon
約十點到達
展開最後一天最後一個行程
這次有三小時停留在siam paragon
買食玩都在這裡
然後就會離開泰國
siam paragon是一個超大型商場
類似又一城圓方的存在
走一下也很容易迷路
剛走進去就可以看到imax的標誌
如果我是來自由行的話
必定要參觀世界各地的imax戲院
siam paragon附近連按siam center和siam discovery center
組合一個超大型連鎖商場
如果堅砌血拼的話
可能一天都行唔完
不過我對shopping真的無咩興趣
原本只想到levis買平褲
但看過價格真係卻腳
三千幾一條除番港紙都要八九舊一條
即使舊褲平一千都要六七百
完全不是心水價
事實我在香港根本不會買levis
只是貪平貪過癮才想要買一條試下
不過都沒有買就離開了
然後走我的主線siam ocean world
或許所有團友都以購物為重點出擊
可是我不同
從開始到現在也只是想入海洋館參觀
四百五十匹一個人也願意
事實上
還真的是和海洋公園都差不多
不過更大更多
可以額外比錢坐玻璃船在水池上看鯊魚
亦可以到缸內潛水
係特別時間可以看工作人員餵魚
不過基本上所有時間都和我們不合
所以幾乎甚麼都沒有看到
水族館的確是比較適合一家大細睇
而像我這種人帶著個老父來看的確有點怪雞
館內好多完全未看過既魚
搞笑既有
串咀既有
大隻既有
細到睇唔到既有
放係電器內既都有
從頭到尾完整欣賞不停步像我這樣就花了一個小時多少少
對我來說算是值得的
我雖然對魚沒有概念
但這種年紀和老豆行水族館就好似番番十幾廿年前咁
亦都發現到老豆平時痴痴呆呆原來都識幾多魚
不過有樣野真係唔明
點解大白鯊可以同普通魚仔共存
但係斧頭鯊就要隔開自己同自己玩
睇完已經十二點幾
剩下不到一小時在food court
food court內用類似八達通的智能卡比錢
而智能卡只能在food court內使用
真係唔知整黎做乜
而導遊就派我地價值200匹既智能卡一樣
不過這邊的食物真係好平
最貴都只係約百二
食極都唔盡
唯有轉戰甜品同飲品
今日食左個炒麵
辣既
係泰國食野真係乜春都係辣既
老豆頂唔住碟辣麵又買左碟燒肉飯
仲難食
其實food court真係無咩特別
多人既原因可能真係因為平
係咁大型既商場食個午飯最貴都只係三十蚊左右
真係去邊搵
完結所有行程
二點到機場
因為泰國過開好花時間
所以都提早入閘
不過睇見D中東佬一人一部電視機拎走真係唔知笑唔笑好
家鄉無電視買既咩
部電視寄艙又唔係拎上飛機又唔得
都唔知點搞
同樣都係OX機
普普通通一個飛機餐
番到香港已經八點幾九點
因為要還番一個鐘出黎
所以最後一日只係得番二十三小時
