2017年12月18日

呢個星期六日
天氣開始凍
係凍到得番十度左右
感覺真係唔錯
那個年頭
我會LAY埋在被窩內面玩秋之回憶之類既GAME
而家
我都唔知可以做乜野了

有一段時間
我同個女仔行得好埋
睇戲食飯去玩
不能算上係普通朋友
但都稱唔上係男女朋友
連平安夜都有出黎食飯
我以為自己真係出到POOL
但係一年後
我地都係已經無再傾計
這樣一年
我都算係經驗過些有女仔在身邊的日子
不在的
只是沒有親暱既行為

其實應該算係大家對大家都無感覺
這樣的結果
亦未算最壞
只是
我很仆街
唔肯放手而已
這樣的日子
我都經驗過

現在我有點放棄的感覺
放大假的話
在家裡打機也是個不錯的選擇
畢竟平日真的很沒癮
現在就只剩下去旅行和去旅行
一年去上三四次
每兩三個月去旅行
就是上了癮的感覺
可是我喜歡
也並不是討厭香港
只是年齡越黎越大
希望可以睇到唔同既景色
得到些唔同既體驗

上星期一番工
星期二番學
星期三OT
星期四晚同阿阮送行
星期五開OT
去左夠KEN屋企BBQ
這樣的日子
也不錯
忙到自己都無時間
回到家甚至乜都唔想做淨係想訓覺
我也
曾經嚮往過呢種生活

人大了
就是這種感覺
想留下來
可是時間不停
就這樣
2017要過去了

一星期前
秋之回憶8開始預訂了
秋之回憶
是一隻我曾經極喜歡的系列
那是十三年前的冬天了
突然看到想君這樣的遊戲
然後就打開了這樣的門
七集的遊戲就這樣過去了
離開上一集
都已經六年了
六年間
我已經差不多成為了一個叔叔了
踏進三十歲
我還可以看到這一個系列可以繼續
這是一種感動
我曾經為了這一個遊戲而想去鐮倉
那是
我曾經最喜歡的一個系列
遇上這一個遊戲
也遇上了這一個地方
這就是我的初心
現在的我
心也差不多要完了
在這個時候遇上了這一個新的她
我就知道了
沒有太多的猶豫
就四千幾蚊訂了一隻遊戲
現在對我來說
也沒有甚麼了
喜歡的話
我也可以飛到地球的另一邊看一場萬幾蚊的歐聯決賽
只要有興趣的話
現在的我連底線也可以超越給自己看
打了工十年
才知道生活可以這樣過
想
就可以了
我呢
大概
已經不是從前我所想像的自己了