鄉下(三)

最近的周末
番左鄉下
其實好無聊
完全唔想去
不過因為有人陪
而且假期無咩做
所以就去行下
結果
都幾失望
因為比人放飛機
得番自己一個人
悶到抽筋
真係喊出黎

結果係又係對住一班老野
真係寧願係屋企悶足兩日仲好
更重要係我放棄一個OT日換番黎既假期
落得如此下場
真係幾失望

話說雖然有三年無番過去
但好似都只係無幾耐之前
上兩次係表姐結婚
而家我既表姪女都已經行得走得
仲串柒柒乜都搶

事實上係
離開左香港真係變成百無
每天PAD既日子已經成為左我既生活
電話成為了所有人最親密的道具
所以無得上網既日子
真係慘到無朋友
先係所有GAME不管係PAD定係公主踢
全部近期玩開既GAME都要上住網先買得
漫畫又係全部都係
無左上網呢個功能就好似世界末日咁
電話如同廢鐵
只有鐘和MP3的功能可用
事實雖然可以比錢上網
但咁樣做又真係同PAD課金無分別
我早已發誓一毫子都唔會花
不過今次真係忍屎忍尿都好過忍住無得玩
結果坐車真係得一個字悶
而平時習慣耐唔耐望下部手機既我
望完根本就唔知有咩做

就只有晚上在酒店的時候用WIFI才感覺重新與世界接軌
可以玩遊戲
又可以上網
感覺的確是大解放
不過很多的限時活動基本上都沒有了
沒有PAD的日子
真係慘過番印度
畢竟是已經習慣了兩個多月的時間

其實野就無咩做
只有一個字
熱
大陸同香港既分別都唔大
只要走出去
就會有種熱到想死既感覺
行一陣路都會成身汗

不過夜媽媽係漁塘邊可以睇到星星
感覺真係唔錯
記得好耐以前每次係秀茂坪探完婆婆走的時候都可以看到
現在城市的夜空
大概都不會看得到
有時候
看見月亮就已經感覺不錯了
星星雖然不太閃也不太亮
但以量取勝的他
還是令我充滿感覺

第二天去了順德步行街
其實我對這裡的地方完全沒有概念
只是有人說這樣的雙皮奶很出名
一同去了試食
結果係
又嘈
又慢
又唔舒服
仲要食到肚痛
真係無咩好感覺
附近有個看起來大型少少既商場
附近係酒店
人流比起步行街的多
門口就有NIKE
ADIDAS
味千
以為有D野睇下
點知入到黎全部都係小型賣衫既商店
基本上就係無野好睇
也因為我番來根本就唔係為左買野
所以亦都無咩野想要買
亦無野吸引到我呢
尾段食飯又有個激似奧巴馬既奧巴順
都幾無厘頭

又坐番幾個鐘車番去
差唔多收關時間先去到福田口岸
兩日雖然好趕
但三日真係太多
雖然想放假
但最後還是決定留番大假去旅行
所以回來的第二天還是要上班的
很痛苦