踏進去非洲區域
其實只是在歐洲立陶宛隔離
今次行到過去又係見到個館無人沖左入去
呢個係利比亞館
非洲館其實真係無咩人行
設計都無咩特別
就咁四四方方一間屋咁
話說世博完左都會將所有建築拆晒咁濟
有唔少展館會覺得可惜
不過非洲館就唔會
因為太簡單
無咩好留戀
而蓋印的位置就在門口
好多大陸人蓋完印就直接係門口閃
係非洲黎計利比亞都算係一個比較有印象既國家
因為出現了球王韋亞
韋亞對我來說的確有點深刻
除了曾經效力AC米蘭以外
有一年英國國家隊來香港踢表演賽
散場時就曾經在停車場看見這位真人
還得到過簽名
可惜因為當時太年輕
現在簽名已經不見了
入口處幾張利比亞偉人照片竟然沒有這位世界足球先生的份兒
真差
而基本上我都唔識分非洲館
就好似尼日利亞
打字的現在已經對這個館沒有印象
只是記得我曾經走進過去
尼日利亞之後就選擇走入去很大型的非洲聯合館
首當其衝係好多個既巨型黑人頭象
隔離就係喀麥隆館
這個也是聯合館內唯一一個有印象既國家
因為和利比亞不同
這邊有伊度奧的圖片
還有射球遊戲玩
明明伊度和韋亞是處於兩個不同級數的人
可是看起來伊度奧更受國家的重視
非洲聯合館內有四十多個展館
我應該也只行過幾個
因為實在太無聊
個個館都是差不多一樣的東西
除左為了蓋印也實在沒有可看的東西
依稀記得走過的展館有
喀麥隆
乍德
剛果布
呢三個有印蓋既地方
其他全部都唔記得了
在裡面逗留了十五分鐘左右就離開了
然後是美洲區
這邊開始又要排隊
畢竟美洲和非洲的人氣是不同的
而阿根廷館就是離開聯合館最近的美洲館
想一下堂堂美洲大國
而且排隊人流不多
是應該值得一排的
這個排了幾分鐘就能夠入到去
可是真的很失望
四四方方的阿根廷館中間是個無咩用處的舞台
一邊是用作餐廳之用
用作展覽的地方可謂很小
而且都是一些名人服飾
就像縮細版的意大利
阿根廷泱泱大國
展館卻無聊得很
館外有阿根廷球迷球衫賣
價值百多隻羊
很老番FEEL
行落去就係秘魯哥倫比亞同巴西三連發
原本有興趣入巴西
不過很多人排隊
轉攻秘魯
一樣只需要排數分鐘就入左去
這一站比起阿根廷好太多
至少有屬於美洲的特色野
也比起阿根廷大很多
不過館內有點黑
一直行的話也不少斜路和樓梯
很易仆街
因為剩下來的時間不多
三點要排中國館
所以放棄了獨立館直落中南美洲聯合館
其實要說聯合館是成功也是失敗的地方
雖說不用排隊就可以看到很多館
但很多都無甚特色格硬整個館係度咁樣
不過美洲聯合館比起非洲算好睇好多
這邊有十一個館
玻利維亞
厄瓜多爾
烏拉圭
巴拉圭
洪都拉斯
哥斯達黎加
多米尼加
危地馬拉
薩爾瓦多
巴拿馬
尼加拉瓜
全部逐一睇晒
都算多野睇
起碼多了很多可以拍照的展品
也有不少飾物可以購買
當然唔少得既係蓋印
這邊大部份館都有印仔
所以全程都是拎著passport等離開時蓋印
鳥拉圭館的帽子細佬說就不錯看
不過中國人戴著烏龜帽的確有點怪
而巴拉圭亦有巴拉圭護照出售
不過要幾十蚊就無買到
巴拉圭仲有得買野飲
買左隻類寶礦力味的補充飲品
五隻羊
但原來尼加拉瓜係一個國家的名字來
一直都以為只是個瀑布名
這邊十一個館有大有小
都花了半小時才看完
尾段其實有點急要睇完
不過越近出口的展館就越無野睇
所以離開時無咩阻滯
離開時兩點二
還要坐世博國展線出番去世博軸先去到中國館
這次又要同人迫上車
不過有了經驗就甚麼都不怕
大陸人最喜歡無位都要迫上去
只有看準時機就能夠在公車關門時站在門前的有利位置
然後下一班上車就必能夠爭到位坐
沒有留言:
張貼留言